فندق اتلانتس في دبي خيااااااااااال وبالصور

موضوع راءع من الاخت تركمانية والله ولا في الخيال
ا

مع كل احترامي للادارة الكريمة وللأخت العزيزة تركمانية وافتخر لكنني ارى ان وضع صور للاحياء الفقير التي يعيش بها تركمان الجولان المهجريين من وطنهم الجولان بفعل الهمجية والبربرية والنازية الصهيونية لأفضل من وضع هذه الصور المخدرة التي صنعتها الإمبريالية الغربية في الخليج الـ (عربي) لسرقة الأموال العربية واتلاف قيمنا وأخلاقنا القومية والإسلامية، ماذا سيعننينا افتتاح فندق في دبي أو غير دبي وتركمان الجولان إلى يومنا هذا لا يمتلكون ولو (جمعية خيرية) فيما يمتلك الأرمن مدارس تدرس بلغتهم القومية وأندية رياضية ومنتديات ثقافية ووو، ويمتلك أخوتنا الشركس ما يتشابه مع ذلك كذلك يمتلك كلٌ من الآشوريين (رغم أن عددهم لا يتجاوز 100 - 150 ألف نسمة في سوريا والسريان ووووو إلخ
فيما التركمان لا شيئ؟

والله يا اخ Tanri Qulu حطيت ايدك بالجرح يعني صرنا بالقرن ********* ولسه ما بنقدر نحصل على (جمعية خيرية) خيرية خيرية وللك شسو عم نطالب بحزب والا دولة
والله انا اقترح انو نعمل الجمعية الخيرية في بلد الاغتراب يكفي ان تجمع 20 او25 توقيع وتروح عالبلدية وتحصل على الجمعية الخيرية واكتر من هيك تحصل على دعم مادي ومعنوي من البلدية

يا اخي القومية التركمانية هي ثالث قومية في سوريا ولا تنسى انو الارمن واشركس والاشور و و و و و و..... يمتلكون جاليات كبيرة في الاغتراب ما يساعدهم في انشاء مثل هذه الجمعيات والمراكز الثقافية
ان شاء الله الحلم يتحقق

معك حق أخي الكريم، أخوة الدين مستخسرين فينا حتى جمعية مع العلم أنو نحنا ما استخسرنا أبداً بدمائنا في حرب 1948 و1967 و1973
لن نعدم وسيلة من أرض الوطن

فعلا هالفندق غاية في الروعة تسلم ايديكي على هالصور

على فكرة يا اخ tanri الحق مو عالامبريالية ولا عالاستعمار بتخلف وفقر التركمان تبع الجولان الحق عليهن هن لانو ازا قارنتهن بالشركس والا غيرو للقيت انو التركمان هن نفسهن مو حابين لا يعملوا جمعيات ولا انو يهتموا بقوميتهن او حتى يطوروا من نفسهن طبعا باستثناء القلة القليلة شبابنا فقدوا الاتصال ببعضهن البعض لا وحتى اغلبهن حاليا ناسيين يحكوا تركي وازا بتدقق اكتر للقيت انو توجه الشباب المثقف اللي عننا صاير بالزواج من غير التركمانية فكيف بدك ياهن يزبطوا جمعيات وما الى زلك ياريت اول يزبطوا قواعد يمشوا عليها ويوصلوا لحالة فكرية ناضجة متل اللي عند الشراكس وبعدين يعملوا جمعيات ...........وصور البذخ تبع الخليج والله للحق يقال صحيح بذخ لكنما نحن نعلق عجمالية الفن والاتقان اللي قامت عليه هالفندق تنمنى لو اللي عننا حسنوا يعملوا هيك فنادق لانو الصراحة نحن اللي عننا لو نستثمروا منيح لكان تباهينا باشياء اكتر بكتير من اللي عندهن بس بدك مين يشتغل ويفكر ويستثمر ويتوفرلو المناخ ليحقق هيك انجازات

يسلم تمك يا أم النور نحن السبب بأن مو قدرانين نفكر أكثر من أنفنا

هههههههههههههههههه لاك يا ام السوس الله يسلمك بس بلاها هي ام النور وغيرو فضحتينا عرفونا العالم كللن .

أختي العزيزة (ن ج) أنا معك بكل ما تقولين لكن فشل مجتمعنا هو ذنبٌ ملقى على مثقفي مجتمعنا لأن أي مجتمع في العالم مثقفوه هم الذين يديرون شؤونه
لكن أرجو منك رجاءً أخوياً ومن جميع الأخوة أيضاً أن يبتعدوا كل البعد عن التشائم والسلبية (ولا أعني بطبيعة الحال أنكم متشائمون أو سلبيون) فالمستقبل مليء بالمفاجآت
البارحة كنا نحلم بأن نتعلم اللغة التركية واليوم عدد لا بأس به من شبابنا وشاباتنا يتقنون اللغة التركية كتابة وقراءة، اليوم أصبح بإمكاننا عن طريق (جمعية أتراك سوريا) أن نذهب وندرس اللغة التركية في تركيا في فترة العطلة الصيفية
الآن أصبحنا نشارك في مهرجانات العالم التركي كمهرجان استنبول لأطفال العالم التركي
الآن أصبحنا نشارك في مؤتمرات العالم التركي كمؤتمر اللغة التركية في العالم التركي الذي يعقد كل عام في جامعة جوقورووا في آضنة وفي جامعة باكو في آذربيجان
الآن يوجد عدد جيد من الكتب التي تتحدث عن التاريخ والثقافة التركمانية وحتى ديوان من الشعر مكتوبٌ باللغة التركية ومطبوع في دمشق بعنوان TURKMEN CIRPINTILARI للشاعر التركماني السوري محمود أمين
هنالك شبابٌ وشابات مخلصون للقضية التركمانية يعملون من أجل هذا الشعب الفقير والمسكين الذي قدم الكثير لهذا الوطن ولم يعطه الوطن إلا القليل
هناك شباب وشابات يتعرضون يومياً لضغوطٍ شتى من المجتمع للعدول عن هذه الفعاليات لكن هيهات أن يستكينوا فكل ليمونة ستنجب طفلاً ومحالٌ أن ينتهي الليمون
ورغم كل الصعوبات التي لاقاها شبابنا وشاباتنا القوميين والتي يطول شرحها وإن أردتم لشرحتها لكن برسالة خاصة (لأنو ما بدنا ننشر غسيلنا على الإنترنت)فإن المسيرة مستمرة
ويبقى الوضع أفضل بكثير من ما هو عليه سابقاً
أرجو أخذ كل هذه الفعاليات في الحسبان، وعلى الطبقة المثقفة أن تتحد في خيمة تركمانية لا تفصل بينها المآرب الشخصية ولا الإتجاهات السياسية أو المذهبية
كلنا تركمانٌ واحد لربٍ واحد
مع شكري الخاص لك أخت ن ج

كلامك كللو منطقي ومعقول جدا يا اخ tanri وانا الحقيقة بتمنى انو نوصل للحالة الفكرية اللي حكيت عنها ولو اني مو متاكدة من حصولها بسرعة كبيرة اكيد هدا الشي راح ياخد وقت ووقت كبير حتى لحتى تزبط امورنا وتتيسر وتصير متلما نامل تكون بس الحقيقة انت فاجاتني بهالفعاليات الحلوة اللي حكيت عنها بالنسبة للجمعيات التركية الجديدة واللي قدروا التركمان انو يشاركوا فيها طبعا واكيد انا بتمنى انو تكتر هيك فعاليات وتنتشر اكتر بين شبابنا لانو فعلا هالشي راح ينمي فيهن روح التعاون ونوع من الامل لانو يقدموا شي مميز واشكرك جدا على هالرد المميز ولو اني ما عرفت منين عرفت اني (ن .ج )هههههههههه .

هههههههههههههه مية هلا فيك فروج منور المنتدى يا حلو

أشكرك أختي ن ج على هذا الرد الجميل وهذا ليس مستغرباً أبداً من شخصٍ بمثل ثقافتك وعلمك
إن هذه الفعاليات قد أتت ثمرةً لعمل دؤوب يمتد لأربع سنوات كاملة لفريقٍ مخلص للقضية التركمانية، ولعمل طاقم منتدى تركمان سوريا الخلاق، وقد تم افتتاح صفحة اللغة العربيةاللجمعية الخيرية لأتراك سوريا ومنتدى خاص أيضاً بهذه الجمعية تم العمل عليه ليكون منافساً لأكبر المواقع السورية وعلى أيدي خبراء من أتراك سوريا في مجال الإنترنت وتصميم المواقع وقد سبق لهم أن صمموا مواقع عديدة لأهم الشركات في سوريا، هذا يعكس مدى تقدمنا التكنيكي في مجال الإنترنت وسيتم قريباً إفتتاح صفحة اللغة التركية بإذن الله، لكن كل هذا ما هو إلا غيضٌ من فيض، وسأعطيك أختي العزيزة رابط الجمعية لتطلعي على أبرز معالمها الغير مكتملة بعد وذلك نتيجة لأن الموقع قد تم إعلان إفتتاحه اليوم
http://www.ar.suriyeturkleri.com/

أما بالنسبة للفعاليات فسأضع لحضرتك ربطان لأهم الفعاليات التركمانية التي حققتها الجمعية

1- رابط دورة اللغة التركية التي أقيمت في المدينة التركية آضنه
http://suriye-turkmen.ahlamountada.com/montada-f18/topic-t978.htm

2- مهرجان أطفال العالم التركي في استانبول
http://suriye-turkmen.ahlamountada.com/montada-f29/topic-t669.htm

3- مساعدات تركية للأسر التركمانية المحتاجة شمال حلب
http://suriye-turkmen.ahlamountada.com/montada-f29/topic-t1062.htm

أما بالنسبة لأنو كيف عرفتك فهو سؤال ما كنت متوقعو أبداً
كيف بدنا نكون جمعية لأتراك سوريا إذا كنا مو عرفانين بعضنا منيح؟

اول شي مسا الخير اخ tanri
ومبروك لكل تركمان سوريا افتتاح للجمعية الخيرية لأتراك سوريا بعد انتظار طويل ويشكر كل القائمين على انشاءه
وبدي اسال وين مقر الجمعية اذا في ارقام هواتف الجمعية و الحسابات البنكية لنستطيع جمع التبرعات نقدية او تبرعات عينية
واذا كان هوي فقط موقع الكتروني كمان امليح كخطوة اولى نحو الاتجاه الصحيح واتمنى ان يكون هناك تبادل اعلاني مع منتدانا منتدى تركمان الجولان وكل المنتديات التركمانية
تاني شي ولك يحرء حريشك كيف عرفت اني دووووو واله انك داهية وكل الشكر والتحية الك وخلينا نسمع منك على طول هيك اخبار حلوي

بالمناسبة شوصار بالموقع الرسمي لتركمان سوريا

انو اولا يسلمو هالايدين يارب على هاللاسهامات الرائعة وثانيا والصراحة انا فعلا في حالة ذهول مطلق للاشيا والاحداث الجديدة والتطورات الرائعة جدا اللي فعلا كنت بمناى تام عنها واللي ابدا ماكنت اتصور انو في عننا هيك فعاليات وهيك اشيا رائعة عم تحدث لذلك انا بغاية الامتنان لهالحظ الحلو اللي خللاني اشترك بالمنتدى واتعرف على هالفعاليات الحلوة وبصراحة بجد احييكم من كل قلبي على هالانجازات والله ماكنت اتوقع بيوم انو راح نصل لهالمراحل المتطورة اللي وصلتوها وبتمنى من كل البي يارب تستمروا على هالخطى الذهبية وترفعوا من معنويات شبابنا وتخلوهن يستمروا بهالمسيروفيفا لكل فكر وكل قلم ابدع وساهم بهالمجال ............. اشكرك اخ tanri على الروابط فعلا انك غيرت نظرتي كليا بالنسبة للنشاطات التعاونية القائمة بين التركمان وبتمنى يارب تتطور اكتر وتعطي نتائج فعالة ومبهرة لانو فعلا بدأنا نتفائل فيها ولا يسعنا غير الدعاء بالتوفيق لجميع الايادي المساهمة بهالمشروع ومثلما استفسر الاخ شهنار عن وسيلة التوصل للتبرع لهالجمعية انا كمان حابة اعرف كيف ممكن نوصل تبرعاتنا الها او كيف ممكن نساهم بتنميتها عسى انو نقدم شي يفيد احبائنا والغالين من الوطن الحبيب لانو هن احق الناس بالمساعدة

شكرا جزيلا لك
بلغ تحياتي ايضا لشاعر تركمان الجولان سلام محمد
وقلوا اهل جمعية تركمان يوتوبورغ GOTENBORG بيسلموا
وخلينا نسمع صوتو

والله البرنامج تبع تركمان سوريا كان رائع رائع وانا من جديد اقدم كل الشكر لاول قناة فضائية تقدم برنامجا خاصا عن اتراك سوريا
والشباب كفوا ووفوا

وانا كما وعدت قمت بنشرها على اليوتيوب ولكن التصوير مو 100

https://www.youtube.com/watch?v=Rq9Fr__OCDU

وراح حملوا من جديد كاملا ان شاء الله لما بيصلني التسجيل

قضية انشاء جمعية او ما شابه من النشاطات الاجتماعية الاخرى هامة خاصة الان اكثر من اي وقت مضى
و ذلك لجمع التركمان و خاصة الشباب منهم

انا اقول باننا نتاج مجتمعاتنا المتخلفه اولا وثانيا الفقر المدقع والجهل الذي يلازمنا بالاضافه الى مشاكل اجتماعيه كبيره ولكي نفعل دور تجمعاتنا نحتاج الى قيادات شابه واعيه علميه تقود المسيره التركمانيه ليس في سوريا وحسب بل في العراق وفلسطين وكما سمعت انه في مصر ايضا وتجعل ذلك وتؤطره بصوره علميه دقيقه وبما اننا نتخلفون حتى في التنظيم علينا ان نطلب المساعده من الدول التركمانيه القويه ونرسل الوفود الى الدول التركمانيه الغنيه ونكاتب اصحاب القرار لمساعدتنا بالاضافه الى هذا كله استثمار رؤوس الاموال في مشاريع يعمل بها التركمان وهذا لايعني ان ننفصل عن مجتمعاتنا بل بالعكس نخدم الوطن بالانتاج الوطني لذا بصراحه نحتاج الى اسس تنظيميه وخبرات اداريه كبيره للقيام بهذه المهمه والا فسوف نبقى نقول لماذا الاررمن متكتلين والاشوريين منظمين وماذا عنا نحن علينا ان نبحث عن الاخطاء اولا فينا لنشخصها ومن ثم نحاول علاجها

مشكورررررررررررررة يا تركمانية وافتخر

الفراشة كتب:

على كلن كل حدا ما بيطول العنب شو بيقول عنو بيقول حامض مو هيكtanri

التركمان جزء من المجتمع فلو تخلف المجتمع تخلفت اجزاءه ولو تقدم تقدم معه المشكله في الجغرافيا وليس التركمان